Pleyeri seçin:
Ukraynalı deputatın qətli: Rusiyanın sifarişi iddiası gündəmdə
Xəbərlərimizi Google-da izləyin
Yeniliklərdən dərhal xəbərdar olun
Ukraynalı siyasətçi, deputat, Ali Radanın keçmiş spikeri Andrey Parubiyin qətlində şübhəli bilinən Mixaylo Stselnikovun görüntüləri ilk dəfə mətbuatda yayımlanıb.
Parubiyin öldürülməsində təqsirləndirilən şəxs sentyabrın 2-də barəsində həbs-qətimkan tədbiri seçilməsi üçün məhkəməyə aparılıb.
O, jurnalistlərin suallarını cavablandırarkən etiraf edib ki, Rusiyaya əsir düşüb həlak olan oğlunun meyitini qaytarmaq üçün deputatı öldürüb.
“Bəli, Parubiyi mən öldürmüşəm”, ‒ deyə vurğulayıb.
Qeyd edək ki, Rusiya xüsusi xidmət orqanlarının Mixaylo Stselnikovu şantaj etməsi barədə xəbərlər yayılmışdı. O isə bunu təkzib edib:
“Bu, doğru deyil. İstəyirəm ki, tez bir zamanda hökm çıxsın və xahiş edirəm, hərbi əsirlərlər tez bir zamanda dəyişdirilsinlər ki, gedib oğlumun meyitini tapa bilim”.
“Niyə məhz Andrey Parubiyi öldürmüsən?” sualını cavablandıran Mixaylo Stselnikov oğlunun öldüyü müharibəyə görə Ukraynadan qisas aldığını deyib:
“Vinnitsada yaşasaydım, Parubiyin yerinə başqasını, Petyanı öldürəcəkdim. Həmin zaman yaxınlığımda Parubiy olduğu üçün onu öldürdüm”.
Həbs olunan şəxs Petya deyərkən Ukraynanın keçmiş prezidenti Petro Poroşenkonu nəzərdə tutub.
Kopyalandı
Seçilmişlər
