Ukraynalı nazir Türkiyədən üzr istədi

Ukraynanın müdafiə naziri Oleksey Reznikov müharibədə həlak olanların sayı ilə Türkiyədəki zəlzələdə ölənlərin sayını müqayisə etdiyi üçün rəsmi Ankaradan üzr istəyib.

Bu barədə nazir “Twitter”dəki səhifəsində yazıb. “Ukraynalılar türk xalqına rəğbət bəsləyirlər. Biz minlərlə günahsız insanı dəfn etməyin nə olduğunu çox yaxşı başa düşürük”, – deyə O.Reznikov qeyd edib.

Nazir həmçinin müharibənin ilk günündən Ukraynaya verdiyi dəstəyə görə Türkiyəyə təşəkkür edib.