Ukraynanın raket anbarı darmadağın edildi | Hücumun detalları üzə çıxdı

Ukraynanın raket anbarı və başqa obyektləri atəşə tutulub.

Rusiya Müdafiə Nazirliyinin məlumatına görə, sutka ərzində Dnepropetrovsk vilayətində bir yaşayış məntəqəsi ələ keçirilib.

Bundan başqa, hava hücumundan müdafiə qüvvələri HIMARS sisteminin 3 sursatını və Ukraynaya aid 172 dronu məhv edib.

Ukrayna Silahlı Qüvvələrinin baş qərargahının məlumatına görə, sutka ərzində 85 hərbi toqquşma qeydə alınıb. Döyüşlərdən 31-i Pokrovskda baş verib. Ukrayna Rusiyanın neft emalı zavodu və limanına hücum edib. Hücum kəşfiyyat idarəsi ilə birgə həyata keçirilib.

Hazırda Samara vilayətindəki obyektə vurulan ziyanın miqyası hesablanır. Leninqradın qubernatoru isə PUA hücumu nəticəsində Ust-Luqada yanğının baş verdiyini təsdiqləyib.

Liman üzərində 10 dron zərərsizləşdirilib. Məlumata görə, yanğın söndürülüb, xəsarət alan yoxdur. Ust-Luqaya hücumu Ukrayna ordusu da təsdiqləyib.