Ukraynanın son vəziyyəti | BAKU TV Ukraynanın Liman şəhərində

2022-ci ilin əvvəlində Liman şəhərini itirən Ukrayna ilin sonunda yenidən geri qaytarıb. Lakin buna baxmayaraq, Liman və kəndləri qızğın döyüş meydanına çevrilib. Çünki Donetsk vilayətinin Xarkov vilayəti ilə sərhədində yerləşən Liman Ukrayna cəbhəsində Rusiyaya qarşı müdafiədə ən strateji nöqtədir.

Şəhər intensiv artilleriya atəşləri altında olduğu üçün burada demək olar ki, həyat dayanıb. Şəhərdə qalan insanların bildirdiyinə görə, Liman sakinlərinin 90 faizi şəhəri tərk edib.

“Raket zərbəsi nəticəsində mənim mənzilim yerlə-yeksan olub. Mərmi mənzilin yataq otağında düşdü. İndi təmas xəttindən uzaqda yerləşirik. Amma 2 il əvvəl tez-tez zərbələr endirilirdi. Şəhərdə hazırda 5-6 min insan yaşayır. Bir zamanlar burada 30 min insan yaşayırdı. İstilik sistemi, qaz, su yoxdur. Ötən ildən etibarən işıq təchizatını təmin ediblər”, – deyə sakin qeyd edib.