Ukraynaya ayrılan pullar harada saxlanılır? | Blinkendən açıqlama

“Vaşinqton tərəfindən Ukraynaya ayrılan onmilyardlarla dollarlıq hərbi yardım ABŞ-yə qoyulmuş investisiya kimi qalacaq”.

Bu sözləri ABŞ-nin dövlət katibi Entoni Blinken Makkeyn İnstitutunda təşkil olunan tədbirdə çıxışı zamanı deyib.

Onun sözlərinə görə, bu vəsaitlər əsasən ABŞ-də yaxşı iş yerlərinin təminatçısı olacaq.

“İnvestisiya qoyduğumuz yeni pullar, demək olar ki, hamısı ABŞ-də, bizim sənaye bazamızda qalır. Bu pullar ABŞ-də yaxşı iş yerlərinin yaranmasına imkan verəcək, lakin bu yolla biz həm də Ukraynaya kömək edə bilərik”, – deyə E.Blinken bildirib.

Qeyd edək ki, ABŞ Ukraynaya 50 milyard dollar məbləğində yardım göstərilməsi ilə bağlı G7-dən olan tərəfdaş ölkələrlə danışıqlar aparır. Vaşinqtonun planına görə, tranş sazişi iyunda keçiriləcək G7 sammitində imzalanacaq. Lakin yekun qərarın bir neçə ay çəkə biləcəyi istisna olunmur.