Ukraynaya "F-16" qırıcılarının çatdırılma tarixi açıqlanıb

“ABŞ 2023-cü ilin sonuna qədər “F-16” qırıcılarını Ukraynaya təhvil vermək niyyətindədir”.

Bu barədə Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi “Fox News” telekanalında bildirib.

“Qırıcılar yəqin ki, ilin sonuna qədər təhvil veriləcək. Lakin onlar döyüş meydanındakı vəziyyəti təkbaşına dəyişə bilməyəcəklər. Hazırda Ukrayna Ordusuna aviasiya deyil, daha çox artilleriya lazımdır. Onların həqiqətən ehtiyacı olan artilleriya, sursat, hava hücumundan müdafiə sistemləri və tanklardır. Biz bunların hamısını görünməmiş sürətlə böyük həcmdə təmin etmişik”, – deyə o qeyd edib.

İyunun 22-də Ukraynanın xarici işlər naziri Dmitri Kuleba əlavə ki, ölkəsinin müttəfiqləri artıq ona döyüş təyyarələri göndərməyə hazırlaşır. Ümumilikdə rəsmi Kiyev Pentaqondan 100-dən çox “F-16” qırıcısı tələb edib.