Ukraynaya tam qadağa qoydular | Polşa ilə gərginliyin iç üzü

Polşanın Ukrayna ilə sərhədini getdikcə məhdudlaşdırması Avropada böyük gərginliyə səbəb olub. Xüsusilə son vaxtlar dünya bazarına idxal olunan Ukrayna taxılının sərhəddən buraxılmaması, hətta polşalı fermerlər tərəfindən buğdanın yola dağıdılması iki ölkə arasında ciddi narazılığa səbəb olub.

Polşa tərəfi bunu Ukrayna taxılının Avropaya idxalı fonunda, fermərlərin öz məhsullarının ucuzlaşmasından narahat olduqları ilə əlaqəndirib. Lakin bu günlərdə sanksiyalara baxmayaraq, Rusiyadan Polşa vasitəsilə taxıl daşınmasının üzə çıxması ukraynalıları məyus edib.

Ukraynalı ekspert Dmitro Qromakov bildirib ki, Polşa fermerləri Ukraynanın qərb sərhədlərini blokadaya alıblar. Bu, Ukrayna сəbhəsi üçün böyük problem olmasa da, sosial-iqtisadi vəziyyət üçün problemdir.

“Çünki Polşa bütün istehlak məhsullarının tədarükü üçün əsas mərkəzdir. Bu, mağazaların rəflərinə, tükənmək üzrə olan, anbarlardan çıxan məhsulların qiymətlərinə təsir edir. Problemin birinci aspekti ondan ibarətdir ki, şirkətlər Rusiya və Belarusdan tədarük kontekstində Ukraynanı nəzərə almır. Ukraynanın tədarükünə qarşı qarayaxma kampaniyası keçirilir. Lakin Rusiyadan Polşaya taxıl tədarükü barədə danışılmır. Bu, ukraynalılar və polşalılar arasındakı əlaqələri kəsmək üçün məqsədyönlü kampaniyadır. Xalqlarımız arasında nifaq salmaq üçün Rusiya və Polşanın rusiyapərəst qrupları və vətəndaş fəallarının bir hissəsi Ukrayna taxılına qarşı mübarizə aparmaq üçün bu kampaniyaya başladılar”.