Ukraynaya yeni kütləvi dağıdıcı hücum

Ötən gecə Rusiya növbəti dəfə Ukraynaya ölkə üzrə hava hücumu təşkil edib.

Uzaqvuran raket və dronlardan endirilən zərbələr Kiyev vilayəti də daxil olmaqla ölkənin Uman, Dnepr, Nikolayev, Xerson və Donetsk vilayətinin bütün şəhərlərini əhatə edib. Paytaxt Kiyev daha çox dron hücumlarına məruz qalıb.

Kiyev Şəhər Hərbi Administrasiyasının sözçüsü Mixail Şamanov bildirib ki, 51 günlük fasilədən sonra Kiyevə “Tu-95” strateji bombardmançı təyyarələri vasitəsilə “Xa101” və “Xa555” tipli raketlər atılıb. Şəhərin hava məkanında 11 qanadlı raket, 2 əməliyyat-taktiki səviyyəli pilotsuz uçuş aparatı məhv edilib.

Bölgələrdə daha çox Uman şəhəri dağıntılara məruz qalıb. Rusiya Ordusunun raket zərbələri yaşayış kompleksini darmadağın edib, kütləvi insan tələfatı var.

Qeyd edək ki, uzun fasilədən sonra gün ərzində bütün ölkə üzrə dayanmadan hava həyəcan siqnalları verilib.