Uşağını gizli abort edən narkotik aludəçisi kraliça - ARAŞDIRMA

22 may 2004-cü il. 1,5 milyard tamaşaçı Madriddəki Santa Maria la Real de la Almudena Katedralındakı dəbdəbəli nikah mərasimini izləmək üçün televiziya ekranı qarşısında toplaşmışdı.

Bu, televiziya jurnalisti Letisiya Ortisin və İspaniya taxt-tacının varisi Kral Felipe ilə izdivacının birbaşa yayımı idi. Bəlkə də, bu hadisədən sonra qızların nə vaxtsa şahzadə ilə ailə qurmaq arzuları daha əlçatan göründü.

Şahzadə Felipenin yaşı artıq 30-u keçirdi və valideynləri tez bir zamanda gələcək kralın ailə qurmasında maraqlı idilər. Amma şahzadə heç kimi bəyənmirdi. Gələcək kral sevdiyi xanımla ailə qurmağın arzusunda idi və Letisiya ilə tanışlıq şahzadənin həyatını tam dəyişir.

Letisiya Felipedən müsahibə almaq üçün yaxınlaşır və elə həmin gün gələcək kral jurnalistə aşiq olur. Letisiya isə Felipe ilə görüşə 4-cü təklifdən sonra razılıq verir.

Jurnalistlə evlənmək istəməsi kral ailəsində birmənalı qarşılanmır. Felipe isə Letisiya ilə evlənməsinə razılıq verilməzsə, ailəsini hətta tacdan əl çəkəcəyi ilə hədələyir. Təbii ki, taxtın yeganə varisi olması valideynləri kompromisə getməyə məcbur edir və kral ailəsində çoxdan arzulanan təmtəraqlı toy baş tutur.

Kraliçanın keçmişi ilə bağlı xoşagəlməz hekayələr də var. Onlardan biri də odur ki, sən demə Meksikada oxuyarkən gənc rəssam Valdo Saavedra ilə tanış olub. Letisiya ona aşiq olan rəssama modellik edibmiş.

Rəssam Letisiyanın açıq-saçıq rəsmlərini kətana köçürübmüş. O da məlumdur ki, Akapulkodan olan bir restoran sahibi kətanı o qədər bəyənib ki, onu restoranının divarından asıb. Bu portreti yerli rok qrupun üzvü o qədər bəyənir ki, onu yeni albomun posteri üçün seçir. Lakin İspaniyanın gələcək kralı Felipe bu faktlara əhəmiyyət vermir.