Üzünə yandırıcı turşu tökülən, məzarı qəfəsin içində saxlanılan "Acıların qadını" Bərgən - ARAŞDIRMA

Bərgən, əsl adı Bəlgin Sarılmışer 15 iyul 1959-cu ildə Mersində anadan olub və “kədər qadını” kimi tanınıb.

Bərgən gənc yaşlarından musiqi ilə məşğul olub, əvvəlcə Ankara Dövlət Konservatoriyasında təhsil alıb, lakin maddi çətinliklər səbəbindən oxumağı yarımçıq qoyub.

1979-cu ildə klub səhnəsində çıxışı ilə diqqət çəkib və musiqi karyerasına başlayıb.

Sevgilisi Halis Sərbəstlə münasibəti zorakılıqla müşayiət olunub. O, Bərgəni yandıraraq bir gözünü itirməsinə səbəb olub.

Bərgən 1985–1986-cı illərdə “İnsan sevərsə” və “Acıların qadını” albomları ilə milyonluq satışa nail olub və böyük şöhrət qazanıb.

1989-cu ildə keçmiş əri tərəfindən güllələnərək öldürülüb, anası isə yaralanıb. Cinayətkarın cəzası isə sonradan yeddi aya endirilib.

Bərgənin məzarı təhlükəsizlik məqsədilə altı kilidli qəfəslə qorunur. Sənətçi 31 illik həyatına 17 albom, 129 mahnı və bir film sığdırıb.

Onun həyatı və faciəli ölümü Türkiyədə qadınlara qarşı zorakılığın simvoluna çevrilib.