Varlılar bu işdə iştirak edir | Trampı qorxuya salan məsələ

ABŞ Prezidenti Donald Tramp süni intellektin imkanlarından qorxduğunu etiraf edib.

Bu barədə Amerika lideri “Newsmax”a müsahibəsində deyib.

“Süni intellekt bir az qorxuludur. Bu, inqilabdır və pulu olan hər kəs süni intellektdə iştirak edir. Onların hamısı süni intellektə daxil olmaq istəyir. Onun nə edə biləcəyini görəndə heyrətə gəlirsən. Adam vahimələnir. Bu qorxuludur”, − deyə Ağ Ev rəhbəri bildirib.

O həmçinin İlon Maskı ABŞ-nin xeyrinə çalışan vətənpərvər hesab etdiyini deyib.

“Tesla”nın id panellərinin və sisteminin kiberhücumlara məruz qalmasına münasibət bildirən Tramp Maskın bütün problemlərin öhdəsindən təkbaşına gələ biləcəyini dilə gətirərək onu tərif edib:

“Mask heç vaxt məndən nə isə istəməyib. Sadəcə düşünün, o məndən nə isə istəsə, bu o demək deyil ki, mən bunu edəcəyəm, bəlkə də etmədim. Amma o, heç vaxt məndən öz xeyrinə nəsə istəməyib”.

Ağ Ev rəhbərinin bu açıqlamasından sonra Mask da ona öz rəğbətini nümayiş etdirib. O, Trampın ikinci kabinet iclasında iştirak edərkən Amerikanı yenidən quraq yazısı ilə populyarlaşan papağını “Trampın dediyi nə var idisə, hamısı düzdür” yazısı ilə əvəzləyib.