Venesuelada Maduronun adı siyasətlə yanaşı artıq küçələrdən də silinməyə başlayıb - Baku TV

“Financial Times” qəzetinin iddiasına görə, Venesuelada müvəqqəti prezident Delsi Rodrigesin rəhbərliyi ilə müxalifət arasında təxminən iki həftə davam edən danışıqlarda Nikolas Maduronun azad edilməsi məsələsi heç vaxt gündəmə gətirilməyib.

Bundan əlavə Rodrigesin ictimai çıxışlarında Maduroya getdikcə daha az yer verdiyi qeyd olunub.

Venesuelalı analitikin sözlərinə görə, müvəqqəti hökumət Maduro ilə bağlı taleyin artıq müəyyənləşdiyini düşünür. Bu yanaşmanın Delsi Rodrigesin keçmiş dövlət başçısına münasibətində baş verən dəyişikliyi də ortaya qoyduğu bildirilir.

Onlar hesab edirlər ki, bu, müvəqqəti hökumətin Maduronun azad edilməsindən daha çox öz siyasi mövqeyini qorumağa üstünlük verdiyinə işarə edir.

Venesuelada Maduronun izləri yalnız siyasətdən deyil, küçələrdən də silinməyə başlayıb. Maduro və həyat yoldaşı Siliya Floresin azad edilməsini tələb edən afişa və reklam lövhələrinin böyük hissəsinin götürüldüyü, Karakasda isə keçmiş dövlət başçısı və həyat yoldaşının yalnız bir neçə iri portretinin qaldığı bildirilir.