Xamenei İran xalqına səsləndi | "Mən onlara icazə verdim ki..." - Baku TV

İranın Ali Rəhbəri Müctəba Xamenei ABŞ ilə imzalanan memorandumla bağlı xalqa müraciət edib.

O bu barədə "X" sosial şəbəkə hesabında yazıb.

“Prinsipcə, mənim qarşılıqlı anlaşma memorandumu ilə bağlı başqa fikrim var idi, lakin hörmətli Prezident Məsud Pezeşkian Ali Milli Təhlükəsizlik Şurasının sədri kimi, öz adından və Şura üzvlərinin adından İran xalqının və Müqavimət Cəbhəsinin hüquqlarını qorumaqla bağlı üzərinə götürdüyü öhdəliklə əlaqədar olaraq mən ona icazə verdim və onlar bunun məsuliyyətini daşımağa hazır olduqlarını təsdiqləyiblər”, – deyə o bildirib.

Müctəba Xamenei qeyd edib ki, İran və ABŞ prezidentləri arasında saziş artıq imzalanıb.

“Bu mərhələyə çatmaq yolunda məsul şəxslər çoxlu səy göstəriblər və əlbəttə ki, məhz Donald Tramp çarəsizlikdən buna nail olmaq üçün müxtəlif təzyiq rıçaqlarına əl atırdı”, – deyə Xamenei vurğulayıb.

Müraciətdə qeyd olunub ki, Pezeşkian Amerika tərəfinin ifrat tələblər irəli sürməyə cəhd edəcəyi təqdirdə buna boyun əyməyəcəyini bildirib.

“Bu andan etibarən yuxarıda qeyd olunan şərtlərin reallaşmasını gözləyəcəyik”, – deyə İranın Ali Rəhbəri əlavə edib.