Xameneidən Putinə sensasiyalı məktub | Rusiya İranı xilas edəcək, yoxsa...?

İranın Ali rəhbəri Seyid Əli Xamenei Rusiya Prezidenti Vladimir Putindən kömək istəyir.

Bu məqsədlə islam respublikasının xarici işlər naziri Abbas Ərağçini Moskvaya göndərib. İranın Xarici İşlər Nazirliyi rəhbəri Xameninin məktubunu Putinə çatdırmalıdır.

“Reuters”də yayılan məlumata görə, Putin İsrailin İrana hücumlarını qınasa da, ABŞ-nin hücumuna münasibət bildirməyib. Sadəcə olaraq münaqişənin və nüvə probleminin həlli istiqamətində Moskvanın vasitəçiliyini təklif edib. Bu isə Xameneini qane etmir və Tehran İsraillə ABŞ-yə qarşı Kremldən daha böyük dəstək umur. İslam respublikasının Rusiyadan hansı yardımı istədiyinin təfərrüatları açıqlanmır.

Məqalədə deyilir ki, Donald Trampın Rusiya ilə münasibətləri nizamlamaq istədiyi bir vaxtda Putinin İrana görə ABŞ ilə qarşıdurmaya razılaşacağı gözlənilmir.