Xameneinin öldürülməsi ilə bağlı daha bir ölkədə matəm elanı - Baku TV

İranın şimal-şərqindəki Məşhəd şəhərində yerləşən İmam Rza məscidinin günbəzi üzərində ölkənin Ali Rəhbəri Əli Xameneinin öldürülməsindən sonra qara matəm bayrağı qaldırılıb.

İraqda İranın ali lideri Əli Xameneinin ölümü ilə əlaqədar 3 günlük matəm elan edilib.

Bu barədə İraq hökuməti qərar verib.

“France-Presse” agentliyi isə Bağdadda etiraz aksiyası keçirildiyi, “Yaşıl zona”da yerləşən ABŞ səfirliyinə hücum cəhdi olduğu barədə məlumat yayıb.

Qeyd edilib ki, indiyədək hücum cəhdlərinin qarşısı təhlükəsizlik qüvvələri tərəfindən alınıb.

İsrail Hərbi Hava Qüvvələri Tehrana genişmiqyaslı hava zərbələri endirilib.

Bu barədə “The Times of Israel” məlumat yayıb.

Bildirilib ki, məqsəd hava üstünlüyünü təmin etmək və Tehrana yol açmaqdır.

İran Ordusunun Hərbi Hava Qüvvələrinin (HHQ) pilotları isə Fars körfəzi ölkələrindəki və İraqın Kürdüstan bölgəsindəki ABŞ bazalarını bombalayıblar.

Bu barədə “Tasnim” agentliyi məlumat yayıb.

Bildirilib ki, ABŞ və İsrailin bütün hərbi mərkəzləri HHQ-nin hədəfi kimi qalacaq.