Dünya
Pleyeri seçin:
Xerson atəşə tutuldu: ölən və yaralananlar var
Rusiya Ordusu avqustun 13-də Ukraynanın Xerson vilayətini kütləvi şəkildə atəşə tutub. Zərbələr nəticəsində 1-i körpə uşaq olmaqla 6 nəfər həlak olub.
Məlumata görə, ana, ata və onların 22 günlük qızı, 12 yaşlı oğlu həyatını itirib. Bununla yanaşı, 20 nəfər yaralanıb və xəstəxanaya yerləşdirilib.
Baş vermiş son hadisə ilə bağlı xalqa müraciət edən Ukrayna Prezidenti Volodimir Zelenski rus işğalçılarının Xerson vilayətini vəhşicəsinə atəşə tutduqlarını, çox sayda ölənlərin və yaralıların olduğunu bildirib.
"Ölənlər arasında 22 günlük körpə qız var idi. Onun 12 yaşlı qardaşı isə xəstəxanaya aparıldı. Təəssüf ki, onu xilas etmək mümkün olmadı. Azyaşlı aldığı yaralardan həyatını itirdi. Uşaqların anasının adı Olesya idi, cəmi 39 yaşında dünyasını dəyişdi. Başsağlığı verirəm", – deyə V.Zelenski bildirib.
O əlavə edib ki, Ukrayna əsgərləri işğalçılara hər yerdə layiqincə cavab verirlər.
Kopyalandı
Seçilmişlər
