Xəstəxanaya aparılan mən deyiləm, amma... | Xaçaturyandan təəccübləndirən açıqlama

Ermənistan Prezidentinin xəstəxanaya yerləşdirilməsi ilə bağlı xəbərlər yayılıb.

İddialara görə, Vaaqn Xaçaturyanın səhhətində problemlər yaranıb. Prezidentin ürəyində problem olduğu və xəstəxanaya yerləşdirildiyi bildirilir.

Qeyd olunur ki, dövlət başçısının vəziyyəti bir neçə gün əvvəl pisləşib. Lakin Vaaqn Xaçaturyan xəstəxanaya yerləşdirilməsi ilə bağlı mətbuatda yayılan xəbərləri təkzib edib.

Prezidentin sözlərinə görə, o, belə məlumatları kimin və nə üçün yaydığını başa düşmür.

“Əgər onların məqsədi özlərinə maraq yaratmaqdırsa, bunun başqa yolları da var. Bu şayiələrin müəllifləri yalnız mənim ailəmi və dostlarımı narahat etdilər. Xəstəxanaya kimin aparıldığını bilmirəm, amma bu, mən deyiləm. Belə dezinformasiya yayanlara da cansağlığı arzulayıram”, – deyə dövlət başçısı əlavə edib.