Yaxın Şərqdə gərginlik artır! | İran sürətlə silahlanır - Baku TV

"İran hərbçiləri raket və pilotsuz uçuş aparatlarının ehtiyatlarını operativ şəkildə artrır".

"Tasnim" agentliyinin məlumatına görə, bu barədə İranın İslam İnqilabı Keşikçiləri Korpusunun (SEPAH) Aerokosmik Qüvvələrinin komandanı Məcid Musəvi bildirib.

"Atəşkəs rejiminin qüvvədə olduğu müddətdə biz raket və dron arsenallarını müharibədən əvvəlkinə nisbətən daha sürətlə doldura bildik", – deyə komandan qeyd edib.

Onun sözlərinə görə, ABŞ və İsrail öz silah ehtiyatlarını eyni sürətlə bərpa edə bilmir və buna görə də dünyanın tamamilə başqa hissələrində saxlanılan silahları təcili olaraq Yaxın Şərqə daşımağa məcburdur.

Maraq üçün bildirək ki, "Business Insider" nəşrinin xəbərinə görə, hərbi əməliyyatlar zamanı böyük miqdarda mərminin sərf olunmasına baxmayaraq, İranın arsenalında hələ də minlərlə ballistik raket və zərbə pilotsuz uçuş aparatları mövcuddur.

"The New York Times" isə ABŞ kəşfiyyatı və hərbçilərinin qiymətləndirmələrinə əsasən məqalə dərc edib. Yazıda vurğulanıb ki, bir neçə həftəlik hərbi əməliyyatlardan sonra İranın raket qurğularının 60%-dən çoxu və zərbə dronlarının təxminən 40%-i qalıb ki, bu da Hörmüz boğazında gəmiçiliyi bloklamaq üçün kifayətdir.