Yəhudilər erməniləri daşa basdı | Qüdsdə gərginlik

Qüdsdə ermənilərə nifrət edən yəhudilərin növbəti aksiyası baş tutub.

Hadisə “İnək bağı” adlanan ərazidə baş verib. 30-a yaxın qara geyimli və maskalı qrup ermənilərə hücum edib, onları daşa basıb.

Erməni mediası yazır ki, erməni din xadimləri gənclərlə birgə guya hücuma qarşılıq veriblər.

Nəşr bir neçə keşiş də daxil olmaqla, ermənilərin yaralandığını iddia edib. Bildirib ki, bu addım "İnək bağı" məhəlləsi ilə bağlı Qüds Məhkəməsində qaldırılan iddiaya cavab olaraq atılıb.

Erməni patriarxlığı fiziki mövcudluqlarının təhlükədə olduğunu bildirərək, kömək istəyib. Hadisə yerinə gələn polis isə 8 yəhudi və 2 erməni gənci saxlayıb.

Qeyd edək ki, Qüdsdə yəhudilərin ermənilərə hücumu vaxtaşırı baş verir. Ermənilərin qədim məhəllədə məskunlaşması və özlərini “yerli” sayması yəhudiləri qıcıqlandırır. Ermənilərə yəhudilər arasında nifrət həm də buna görədir.