Dünya
Pleyeri seçin:
Yəhya Sinvar Qətər və Misir vasitəçilərindən xahiş etdi | Yeni lideri qorxuya salan səbəb
HƏMAS hərbi qruplaşmasının yeni siyasi lideri Yəhya Sinvar Qəzzada atəşkəsin qurulması üçün əsas şərtini açıqlayıb.
Xarici KİV-in yaydığı məlumata görə, o, ilkin şərtlərindən biri kimi sağ qalmasına zəmanət verilməsini tələb edib.
“İsmayıl Haniyənin öldürülməsindən sonra Y.Sinvar öldürülməyəcəyi təqdirdə Qəzzada atəşkəsin mümkün olduğunu bildirib”, – deyə xəbərdə qeyd olunub.
Məlumat üçün bildirək ki, Qəzzada yeraltı tunellərdə gizləndiyi güman edilən rəhbər bundan əvvəl İsrail Ordusu ilə mübarizə apararaq ölməyin onun üçün şərəf olduğunu açıqlayıb.
HƏMAS-ın yeni lideri eyni zamanda Qətər və Misir vasitəçilərindən müharibəni bitirmək üçün səy göstərmələrini də xahiş edib.
İsrail tərəfindən isə dəfələrlə vurğulanıb ki, hərbi qruplaşmanın liderləri gəzən ölülərdir və onların hər biri vaxtı çatanda məhv ediləcək.
Kopyalandı
Seçilmişlər
