Yeni müharibə başlayır? - Putinin sərt mesajının pərdəarxasında nə dayanır? - Baku TV

Vladimir Putin ABŞ nümayəndələri Stiv Uitkoff və Cared Kuşneri Rusiyanın Ukrayna ilə sülh məsələsindəki mövqeyini çatdırmaq üçün təxminən 3 saat gözlədib.

“Politico” xəbər verir ki, Putin bu addımı hesablanmış gecikmə, cazibə və hədəflənmiş təhdidlərin qarşılığı ilə həyata keçirib.

Amerikalılar Moskvada gəzintiyə çıxaraq lüks restoranlarda nahar edərkən, Putin investisiya forumunda mətbuata müraciət edərək, Avropanı sülh prosesini pozmaqda günahlandırıb və mümkün gələcək eskalasiyaya işarə edib.

Rusiya lideri bildirib: “Biz Avropa ilə müharibə aparmağı planlaşdırmırıq, amma Avropa müharibəyə başlamaq qərarına gələrsə, hazırıq”.

Putinin xarici diplomatları təxirə salma vərdişi ilə tanış olanlar üçün çərşənbə axşamı danışıqların 17:00-dan – yerli vaxtdan təxminən üç saat gec başlaması heç də təəccüblü olmayıb.

Kremlin yayımladığı videoda Putinin Uitkoff və Kuşneri salamladığı, Moskvanı bəyənib-bəyənmədiklərini soruşduğu görünür. Uitkoff cavab olaraq deyib: “Bu, möhtəşəm şəhərdir”.

“Politico” yazır ki, Rusiya paytaxtında Ukraynadakı təxminən dörd illik müharibə ilə bağlı müzakirələr gecə saatlarına qədər davam edib.