Yeni rəhbərlik Putinin xeyrinə işlədi | Trampdan Putinə 3 hədiyyə

Donald Trampın prezident səlahiyyətlərinin icrasına başlamasından 3 həftə də keçməyib, lakin o, artıq Vladimir Putinə üç böyük hədiyyə verib.

Bu barədə “Newsweek” məlumat yayıb.

Belə ki, bu həftə Tramp Beynəlxalq Cinayət Məhkəməsinə qarşı sanksiyaların tətbiqi haqqında fərman verib:

“Bu, rus lideri üçün də böyük hədiyyədir, çünki BCM Putinin həbsinə order verib. Tramp administrasiyasının sanksiyaları Rusiya Prezidentinə təzyiqləri azaldır. Kremlin təbliğatçıları ABŞ-nin yeni administrasiyasının ritorikasını və qərarlarının Moskvaya fayda verə biləcəyi fonunda alqışlayıblar.

Moskvaya ikinci hədiyyə ABŞ-nin əvvəlki prezident administrasiyasının əmri ilə rus oliqarxların gizlədilmiş əmlaklarının axtarışı ilə məşğul olan Ədliyyə Nazirliyində işçi qrupunun buraxılmasıdır. ABŞ-nin yeni Baş prokuroru Pem Bondi qrupun səylərini narkotikə qarşı mübarizəyə yönəltməyə göstəriş verib.

P.Bondi digər bir direktivlə Rusiya və Çin kimi Amerika siyasətinə təxribat törətməyə çalışan rəqiblərin gizli təsir kampaniyalarına qarşı federal hüquq-mühafizə orqanlarının səylərini dayandıracaq”.