Yeni virusun əlamətləri | Kimlər daha çox yoluxur?

İmmunoloq-allerqoloq, infeksionist Georgi Vikulov “İzvestiya” qəzetinə müsahibəsində metapnevmovirusa yoluxma riski və onun inkubasiya dövrü haqqında danışıb.

Xəstəliyin simptomları arasında o, burun axması, öskürək, qızdırma, tənəffüs yollarının zədələnməsini qeyd edib.

Onun fikrincə, metapnevmovirus infeksiyası immun sistemi zəif olan insanlarda, kimya və ya şüa terapiyası alanlarda, həmçinin hamilə qadınlarda və azyaşlı uşaqlarda daha ağır keçir.

“İndi biz görürük ki, xəstəliyin baş verməsi əsasən 14 yaşa qədər, daha az yetkinlərdə baş verir, baxmayaraq ki, bu infeksiyanın yaşla dəqiq əlaqəsi yoxdur”, – G.Vikulov deyib.

Xəstəliyin inkubasiya dövründən danışan həkim bunun 3 gündən 5 günə qədər olduğunu qeyd edib. Dəyişiklik 4 ilə 13 gün arasında da ola bilər.

Qeyd olunur ki, simptomlar xəstə insanla təmasdan sonra yaranır və virusun özü insandan insana keçir.

Qeyd edək ki, Çinin Xəstəliklərə Nəzarət və Qarşısının Alınması İdarəsi 2024-cü il dekabrın 23-dən 29-dək tənəffüs nümunələri üzərində aparılan sınaqların nəticələrinə istinad edərək ölkədə insan metapnevmovirusunun yayılması barədə məlumat verib. Onlar qeyd ediblər ki, insan metapnevmovirusu bütün Çində aktiv şəkildə yayılır və 14 yaşa qədər uşaqlar bu xəstəliyə əsasən həssasdırlar. Əsasən ölkənin şimal əyalətlərində yaşayan insanlar xəstələnirlər. Bununla yanaşı, Qazaxıstanda da 2024-cü il oktyabrın 1-dən indiyədək metapnevmovirusa yoluxma hallarının müəyyən edildiyi barədə məlumat yayılıb.