Yens-Frederik Nielsen paylaşım etdi

Qrenlandiyanın Baş naziri Yens-Frederik Nielsen ABŞ-nin adaya nəzarətlə bağlı son açıqlamalarına öz "Facebook" sosial media platformasındakı paylaşımında münasibət bildirib.

Baş nazir qeyd edib ki, ABŞ-nin son açıqlamaları, o cümlədən tarif təhdidləri mövqeyimizi dəyişməyəcək. Bizə təzyiq göstərilməsinə imkan verməyəcəyik. Dialoq, hörmət və beynəlxalq hüquq prinsiplərinə əsaslanaraq qətiyyətli mövqedəyik.

Danimarkanın müdafiə naziri Troels Lund Poulsen isə Qrenlandiyada daha böyük hərbi kontingent yaratmağa qadir olduqlarını bildirib. Troels və Qrenlandiyanın xarici işlər naziri Vivian Motsfeldt Brüsseldə keçirilən görüşdə NATO-nun Baş katibi Mark Rütte ilə görüşdüyünü və sözügedən məsələ ilə bağlı məlumat verdiyini bildirib.

Bu barədə danimarkalı nazir danışıqlardan sonra jurnalistlərə deyib. "Yaranmış vəziyyətlə bağlı məlumat verdik və Rütte bizi ətraflı dinlədi. Düşünürəm ki, baş katib üzləşdiyimiz problemi tam şəkildə dərk edir", – deyə siyasətçi vurğulayıb.