Yer planetindəki viruslar Ayda da yayıla bilər | Alimlərdən qorxudan araşdırma

Yer planetində demək olar ki, hər ay yeni bir virus yayılır, hətta bəziləri epidemiyaya çevrilir.

ABŞ və Kanadadan olan beynəlxalq alimlər qrupu narahatedici bir faktı açıqlayıblar: Ayın qütblərindəki daimi kölgəli ərazilər Yer mikroblarını onilliklərlə qorumağa qadirdirlər. Bu patogenlər gələcək Ay missiyalarının iştirakçıları üçün təhlükəli ola bilər.

York və Merilend Universitetlərindən olan mütəxəssislər "Artemis" missiyasının eniş üçün əsas hədəfləri olan Şeklton və Faustini kraterlərindəki şəraiti modelləşdiriblər. Məlum olub ki, əbədi qaranlıq və -250°C-yə qədər soyuq, həmçinin ultrabənövşəyi şüalanmanın olmaması mikroorqanizmlərin qorunması üçün ideal şərait yaradır. Bakteriya sporları 50 ilə qədər həyat qabiliyyətini saxlaya, üzvi molekullar isə bu cür təbii "soyuducularda" milyonlarla il qala bilər.

Komandanın fikrincə, insanlar daimi kölgəli ərazilərə mikroblar aparacaqlar, çünki skafandrlar hər kvadrat santimetrdə 1 milyona qədər bakteriya saxlayır, kəşfiyyatçı robotlar isə dezinfeksiyadan sonra da təmizlənmirlər. Beləliklə, buzun üzvi maddələr üçün analizi yanlış nəticələr verəcək.

Alimlər vurğulayır ki, daimi kölgəli zonalar Ay arxivləridir. Əgər biz onları çirkləndirsək, Günəş sistemini anlamaq üçün "açarları" itirəcəyik.