Pleyeri seçin:
Yerə yaxınlaşan ciddi təhlükə | Həm böyük dağıntı olacaq, həm də...
Diametri təxminən 500 metr olan və 1999-cu ildə kəşf edilən Bennu asteroidi Yer kürəsinə ciddi təhlükə yarada bilər, çünki onunla toqquşma potensialı var.
Bu barədə rusiyalı tədqiqatçı Yekaterina Borodina məlumat verib.
Tədqiqatçı bildirib ki, yaxın onilliklərdə toqquşmanın olma ehtimalı azdır, lakin elm adamları bunu izləməyə davam edirlər.
Onun sözlərinə görə, bu ölçülü obyektlə toqquşma böyük dağıntılara, sunamilərə, yanğınlara və iqlim dəyişikliyinə səbəb ola bilər. Həmçinin bütün planetin ekosistemi təhlükə altına düşər.
“Bu, kosmosun gözlənilməz və təhlükəli ola biləcəyinə dair daha bir xatırlatmadır”, – deyə Y.Borodina əlavə edib.
Qeyd edək ki, NASA-nın mütəxəssisləri əvvəllər Yerə yaxın olan Bennu asteroidinin tərkibini tədqiq ediblər. Tədqiqatçılar hesab edirlər ki, Bennudakı maqnezium-natrium fosfat asteroidin keçmişdə okeanla örtülü bir planet və ya aydan qopmuş ola biləcəyini göstərir.
Kopyalandı
#Bennu asteroidi teqi istifadə olunub
Seçilmişlər
