Zaxarova Gümrü şəhərinin Rusiya üçün əhəmiyyətindən danışdı

23 oktyabr 2025 195 baxış

“Gümrüdə baş verənləri diqqətlə izləyirik. Əhalinin sayına görə, Ermənistanın ikinci şəhəridir. Rusiyanın 102-ci hərbi bazası, Baş Konsulluğu da orada yerləşir”.

Bunu Rusiyanın Xarici İşlər Nazirliyinin sözçüsü Mariya Zaxarova “NEWS.ru”nun sualını cavablandırarkən deyib.

“Həmişə Gümrünün Rusiyanın müxtəlif vilayətləri ilə əlaqələri genişləndirilib. Zəngin ümumi tariximiz var. MDB-nin Dövlət Başçıları Şurası avqustda Gümrünü 1941-45-ci illər üzrə “Əmək şöhrəti şəhəri” adına layiq görüb. Əlbəttə ki, Rusiya-Ermənistan əlaqələrinə xüsusi qayğı ilə yanaşırıq.

Merin həbsinə gəlincə, başqa ərazilərin də başçıları həbs olunub. Ümid edirik ki, bu proses hüquqla xalq arasında uçurum yaratmaz. Bu problem barədə Ermənistanın Baş naziri Nikol Paşinyan da danışıb. Son dövrlər bu problem daha da aktuallaşıb. Nəzərə almaq lazımdır ki, Ermənistanda 2026-cı ilin iyununda parlament seçkilərinin keçirilməsi nəzərdə tutulub”, – deyə o əlavə edib.

#Rusiya Xarici İşlər Nazirliyi