Zelenski həyəcan təbili çaldı | Rusiya-Ukrayna müharibəsi qızışır? - Baku TV

Rusiya müharibənin 1454-cü günü üçün Ukrayna Ordusunun itkiləri haqda statistik məlumatları açıqlayıb.

Müdafiə Nazirliyinin rəsmi nümayəndəsi İqor Konaşenkovun sözlərinə görə, indiyə qədər qarşı tərəfin 670 təyyarəsi, 283 helikopteri, 114 642 PUA-sı, 650 zenit-raket kompleksi, 27 726 tank və digər zirehli texnikası sıradan çıxarılıb.

Bundan başqa, Ukraynanın 1664 reaktiv yaylım atəş sistemi, 33 313 artilleriya və minaatanı, 54 532 xüsusi hərbi avtomobil texnikası məhv edilib.

Bu arada, Ukrayna Prezidenti Volodimir Zelenski Rusiyanın kütləvi hücuma hazırlaşdığını bəyan edib. Ukrayna lideri telegram kanalındakı paylaşımında bildirib ki, bununla bağlı kəşfiyyat məlumatları var.

“Hətta Cenevrədə üç tərəfli görüşlər zamanı belə, Rusiya Ordusu Ukraynaya zərbələri davam etdirirdi. Mən Ukraynanın müdafiə naziri Mixail Fyodorova və digər aidiyyatı qrumların rəhbərlərinə qeyd olunan kəşfiyyat məlumatlarını nəzərə alaraq lazımi müdafiə tədbirləri görməyi tapşırmışam”, – deyə Zelenski paylaşımında vurğulayıb.