Zelenski: Priqojinin üsyanı Rusiya rəhbərliyinin zəifliyini üzə çıxarıb

Rusiyada növbəti üsyan və ya inqilab ola biləcəyinə dair siqnal var. Eyni zamanda bir çox insan baş vermə ehtimalı olan üsyana dəstək ola bilər.

Bu barədə Ukrayna Prezidenti Volodimir Zelenski Amerika Birləşmiş Ştatlarının “ABC News” telekanalına müsahibəsi zamanı bildirib.

Prezidentin sözlərinə görə, “Vaqner” özəl hərbi şirkətinin təsisçisi Yevgeni Priqojinin hakimiyyətə qarşı üsyanı Rusiya rəhbərliyinin zəifliyini bir daha üzə çıxardı. Ukrayna Prezidenti “Vaqner” hərbi qruplaşmasının hərbçilərinin şimaldan hücum etməyəcəklərinə əmin olduğunu bildirib.

“Yevgeni Priqojinin üsyanı Vladimir Putinin liderliyindəki zəifliyi ortaya çıxardı. Onlar özləri özlərini dayandırmaq qərarına gəldilər. Çünki V.Putinin Rusiya daxilində ordusu yoxdur və mülki əhali təhlükədədir”, – deyə V.Zelenski müsahibəsində bildirib.