Zelenski Rusiyanı "Terror dövləti" adlandırdı

"Raketlər və artilleriya, pilotsuz təyyarələr və minaatanlar. Şər dövləti müxtəlif silahlardan istifadə edir. Ancaq bir məqsədlə – həyatı məhv etmək və ortalıqda insani heç nə qoymamaq. Yerdəki xarabalıqlar, dağıntılar, mərmi kraterləri: bu, Rusiyanın avtoportretidir. Rusiyasız normal həyatın hökm sürdüyü yerlərdə gözəl rəsmlər çəkilir”.

Bu sözləri Ukrayna Prezidenti Volodimir Zelenski deyib. "Bu gün Rusiyanın hücumu Xersonda sadəcə ərzaq almaq üçün mağazaya gedən insanların həyatına son qoyub. Üç ukraynalı həlak olub. Ailələrinə başsağlığı verirəm. İşğalçılar sərhəd rayonlarında insanları qorxutmaq, onları evlərindən didərgin salmaq üçün kəndləri atəşə tutub. Amma Rusiya orada olmayacaq. Bu ölkə terrorun sinoniminə çevrilib və bu terrorun məğlubiyyəti ədalətli cəza nümunəsi olacaq. Kremlin dayandıra bilməyəcəyi bir cəza", - deyə o əlavə edib.