Zelenski: Rusiyanın hücumu artıq başlayıb

Rusiyanın Ukraynaya yeni hücumu artıq başlayıb.

Bunu Ukrayna Prezidenti Volodimir Zelenski “BBC News”a müsahibəsində deyib. “Rusiyanın hücumları artıq bir neçə istiqamətdən gerçəkləşir”, - deyə Ukrayna lideri bildirib.

Lakin Zelenski hesab edir ki, Ukrayna qüvvələri əks-hücum əməliyyatına başlayana qədər Rusiyanın irəliləyişinə müqavimət göstərməyə davam edə bilər. Buna baxmayaraq, o, Qərbdən daha çox hərbi yardım üçün çağırışlarını yenidən səsləndirib.

Rəsmi Kiyev Qərb silahlarının əldə olunmasının sürətindən getdikcə məyus olur. Almaniya, ABŞ və Böyük Britaniya da daxil olmaqla bir sıra Qərb ölkələrinin ötən ay vəd etdiyi döyüş tanklarının tədarükünün döyüş meydanına çatması hələ də həftələrlə hesablanır. Buna baxmayaraq, Zelenskinin sözlərinə görə, o, müharibəni bitirmək üçün kompromis variantının əleyhinədir.

“Bu yolu biz seçmişik. Biz təhlükəsizlik zəmanəti istəyirik. İstənilən ərazi güzəştləri bir dövlət olaraq bizi zəiflədə bilər”, - deyə Ukrayna lideri bildirib.