Zelenski səfərini dayandırıb geri qayıtdı | Moskva ətrafına dəhşətli zərbələr

Rusiya-Ukrayna savaşı davam edir.

Kiyevə endirilən son zərbələrdən sonra ölü sayı artıb. Belə ki, dağıntılar altından daha 17 nəfərin meyiti çıxarılıb. Bununla da ölü sayı 22-yə çatıb. 134 nəfərin yaralandığı bildirilir.

Kiyevin atəşə tutulmasına görə Ukrayna Prezidenti Volodimir Zelenski "Böyük Yeddiliy"in sammiti ilə bağlı Kanadaya səfərini yarımçıq saxlayıb. Buna səbəb həm də ABŞ Prezidenti Donald Trampın mövqeyi və G7 üzvlərinin birgə bəyanat qəbul etməməsidir. Avropa liderlərini təəssüfləndirən Rusiyaya qarşı sanksiyalara Trampın maraq göstərməsi, lakin bununla bağlı heç bir vəd verməməsidir.

Bununla yanaşı, ABŞ Prezidentinin xüsusi nümayəndəsi Kit Kelloq Belarusa səfər edib, bu ölkənin Prezidenti Aleksandr Lukaşenko ilə görüşə bilər.

Rəsmən təsdiqlənməyən səfərin gündəliyi də məlum deyil. Amma bu səfər Rusiya-Ukrayna münaqişəsinin həlli istiqamətində mühüm addım kimi dəyərləndirilir.

Sülh əldə olunana qədər isə cəbhədə vəziyyət gərgin olaraq qalmaqdadır. Donetskdə döyüşlər gedir. Həmçinin iyunun 18-də Rusiyanın hava hücumlarından müdafiə sistemi Ukraynaya aid 48 dron zərərsizləşdirib. PUA-lar Bryansk, Kursk, Orlov, Belqorod, Tula, Kaluqa, Moskva ətrafı və Lipetskdə vurulub.