Zelenski Trampın sülh planı üzrə referendum üçün şərt qoydu

Ukrayna ABŞ-nin sülh planı üzrə referendum keçirməyə hazırdır, lakin bu o halda baş verəcək ki, Rusiya 60 gün müddətinə atəşkəsə razı olsun.

Bu barədə Ukrayna Prezidenti Volodimir Zelenski "Axios" portalına müsahibəsində bildirib.

Ukrayna lideri diqqətə çatdırıb ki, referendumun keçirilməsi ciddi siyasi, logistik və təhlükəsizlik məsələləri ilə bağlıdır.

Buna görə də Zelenski qeyd edib ki, səsvermənin hazırlanması və keçirilməsi üçün 60 günlük atəşkəs minimum müddətdir.

O həmçinin bildirib ki, Rusiyanın Trampın planı ilə ümumiyyətlə razılaşıb-razılaşmayacağı hələ ona aydın deyil. Lakin Zelenski xəbərdarlıq edib ki, səsvermə Rusiyanın davam edən hücumları fonunda keçirilərsə, bu, pis nəticələnəcək.

O əlavə edib ki, əgər təhlükəsizlik düşüncülərinə görə insanlar səs verməyə gəlməsələr, nəticə qeyri-legitim görünə bilər.