Zelenskidən İtaliyada sərt çıxış | Rusiyanın hücumları belə adlandırıldı

İtaliyanın Roma şəhərində Ukraynanın bərpası ilə bağlı konfrans keçirilib.

Açılış nitqində İtaliyanın Baş naziri Ciorcia Meloni müharibədən əziyyət çəkən ölkəyə dəstəyin əhəmiyyətindən danışıb.

Ukrayna Prezidenti Volodimir Zelenski isə kinayə ilə konfransa Rusiyanın da xüsusi hazırlaşdığını bildirib:

“Buna görə də gecə saatlarında Ukraynaya irimiqyaslı hücum həyata keçirdilər. Əsasən paytaxt Kiyev hədəf alındı. Ukraynalılar hər gecə yüzlərlə dron hücumu ilə üzləşirlər. Bu, açıq-aşkar terrorizmdir. Xahiş edirəm ki, Ukraynanın bərpası ilə bağlı koalisiyanı dəstəkləyib maliyyələşmənin konkret mexanizmini müəyyənləşdirəsiniz. Rusiyanın dondurulmuş səhmləri Ukraynanın bərpasına yönləndirilməlidir”.

Qeyd edək ki, İtaliyanın Baş naziri Ciorcia Meloni V.Zelenski ilə mətbuata birgə bəyanatlarında Rusiyaya qarşı sanksiyaları sərtləşdirmək barədə çağırış ediblər.