Zelenskinin bunkerində nə baş verdi? - Sifəti saralıb, solğunlaşıb

“Volodimir Zelenski bunkerdə yaşadığı vaxt Günəş işığının və təmiz havanın olmamasından gileynənirdi, sifəti saralmışdı. Kifayət qədər yemək yox idi. Rəsmi qəbullarda şirniyyat paylanır, ümumi mətbəxdə ət konservləri, boyat çörəklər olurdu”.

Bunu “Time” jurnalının jurnalisti Saymon Şuster Ukrayna Prezidenti Volodimir Zelenski haqqında yazdığı “Şoumen” kitabında qeyd edib.

“Sonradan ərzaq təchizatı quruldu. Səhər yeməyində Zelenski omlet yeyirdi, köməkçiləri üçün isə hot-doq, kartof və qulyaş hazırlanırdı. Bunkerdə spirt ehtiyatı var idi. Bəzən Ukrayna Prezidenti nahara ona qoşulan həmkarlarına şərab süzürdü. Bunkerin sakinləri hərdən filmlərə baxırdılar. Çox vaxt Hollivudun yeni filmlərini seçirdilər. Zelenski sovet komediyalarına baxmaqdan imtina etmişdi, çünki hərbi əməliyyatlar başlayandan sonra o filmlər onda süstlük hissi yaratmışdı”, – müəllif bildirib.

Şuster yazır ki, sığınacaq Ukrayna Prezidentinin Kiyevdəki iqamətgahının altında yerləşir: “Zelenskinin özü solğun idi, köməkçisi onu yeriyən cəsədə bənzədirdi”.