Zəlzələdə hamilə xanımını eyvandan atdı

Türkiyənin Kahramanmaraş bölgəsində baş vermiş zəlzələ zamanı Murat Aktaş adlı yerli sakin 9 aylıq hamilə həyat yoldaşını yaşadıqları evin eyvanından aşağı atıb.

Məlumata görə, ailə zəlzələnin qorxusundan mənzilin eyvanına çıxıb. Murat Aktaş xanımını xilas etmək məqsədilə onu binanın 1-ci mərtəbəsinin eyvanından atmalı olub. Daha sonra özü də binanı tərk edib. Travma alan hamilə qadın təcili xəstəxanaya çatdırılıb.

Zərərçəkən Tuba Aktaş zəlzələ baş verən kimi dərhal eyvana qaçdığını bildirib. “Evimiz birinci mərtəbədə olduğuna görə həyat yoldaşım məni eyvandan aşağı atdı. Qarnımın üstünə yıxıldığım üçün uşağımın öldüyünü düşündüm”, - deyə o qeyd edib. T.Aktaş binanın bir anda uçduğunu və qonşularının hamısının dağıntılar altında qaldığını əlavə edib.

Qeyd edək ki, xəstəxanaya yerləşdirilən Tuba Aktaş orada uşaq dünyaya gətirib. Hazırda ana və körpəsinin vəziyyəti stabildir.