Zurabişvili qalmaqallı qanunla bağlı qərarını bildirdi

Gürcüstan Prezidenti Salome Zurabişvili "Xarici təsirin şəffaflığı haqqında" qanuna veto qoyub.

O bu barədə keçirdiyi brifinqdə bildirib.

"Konstitusiyamıza, Avropa standartlarına zidd olan və bununla da Avropa yolumuza mane olan "Rusiya qanunu"na veto qoydum. Bu veto tamamilə qanunidir və parlamentə təqdim olunacaq. Bu qanun ləğv edilməlidir", – deyə Gürcüstan Prezidenti qeyd edib.

Xatırladaq ki, qalmaqallı qanun layihəsinin əleyhdarları günlərdir Tbilisidə etiraz aksiyaları keçirirlər.