16 yaşlı oğul anasına görə atasını qətlə yetirdi

16 yaşlı yeniyetmə atasını soyuq silahla qətlə yetirib.

Hadisə Biləsuvarın Bəydili kəndində baş verib. Kənd sakini 51 yaşlı Oqtay Soltanovla həyat yoldaşı arasında mübahisə yaranıb. Bu zaman yeniyetmə anasını müdafiə etmək məqsədilə atasına bıçaqla xəsarətlər yetirib. Oqtay Soltanov aldığı xəsarətlərdən hadisə yerində ölüb.

Hadisəyə Oqtayın mütəmadi olaraq içki qəbul etdiyi və evdə yaranan söz-söhbətin səbəb olduğu bildirilib.

Faktla bağlı Biləsuvar Rayon Prokurorluğunda cinayət işi başlanılaraq ibtidai istintaq aparılır.