21 il əvvəl baş verən dəhşətli hadisənin detalları | Baş Prokurorluq
Naxçıvanda 21 il əvvəl törədilmiş qəsdən adam öldürmə cinayətinin üstü açılıb.
Bu barədə Baş Prokurorluq məlumat yayıb.
Bildirilib ki, Naxçıvan Muxtar Respublikası Prokurorluğu, Muxtar Respublikanın Daxili İşlər Nazirliyi, eləcə də Kəngərli Rayon Prokurorluğu və rayon polis şöbəsinin əməkdaşlarının keçirdikləri birgə əməliyyat nəticəsində cinayət işinin üstü açılıb.
Kəngərli rayonunun Qarabağlar kənd sakini Həlimə Kərimovanın 2003-cü ilin yaz aylarında ailə münaqişəsi zəminində əri Məhəmməd Kərimovun başından daşla zərbələr endirərək qəsdən öldürməsi və yaşadığı evin həyətindəki su quyusunda basdırmasına əsaslı şübhələr müəyyən olunub.
Həlimə Kərimovanın göstərdiyi yerdə aparılan qazıntı işləri nəticəsində insana məxsus sümüklər aşkar edilərək götürülüb və laborator müayinələrin, o cümlədən ekspert tədqiqatının aparılması üçün təqdim edilib.
Faktla bağlı Kəngərli Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanaraq ibtidai istintaq aparılır.
#Naxçıvan teqi istifadə olunub
- Dövlət Departamenti: TRIPP ABŞ üçün prioritetlərdən biri olaraq qalır - Baku TV
- “Suya görə gecə yatmayım?!” | Sakinlər belə üsyan etdi: “Həm pul verirəm, həm də...” - Baku TV
- Naxçıvanda ailə faciəsi yaşandı | Ər-arvadın sonunu nə gətirdi? - Baku TV
- Naxçıvanda restoranda yanğın | FHN əraziyə cəlb olundu - Baku TV CANLI
- "Türkiyə və Azərbaycan buna gözəl örnəkdir" | Naxçıvanda Çanaqqala zəfərinin ildönümü - Baku TV
