300 minlik dələduzluğun üstü açıldı | Xaricə məlumat ötürən şəxs tutuldu
Vətəndaşların şəxsi məlumatları əsasında kütləvi maliyyə dələduzluğu, ayrı-ayrı şəxslərin bank hesablarına saxta sorğular verməklə pul vəsaitlərini talayan şəxs əməliyyat-texniki tədbirlərlə müəyyən olunaraq saxlanılıb.
Bu barədə Daxili İşlər Nazirliyi məlumat yayıb.
Qeyd edilib ki, 34 yaşlı Qulamov Eldəniz Şayiq oğlu qabaqcadan əlbir olan bir qrup şəxs tərəfindən elektron məlumat daşıyıcılarından, informasiya texnologiyalarından istifadə edilməklə oğurluq əməllərində şübhəli bilinir.
Müəyyən olunub ki, E.Qulamov digər şəxslərlə birgə qabaqcadan əlbir olaraq müxtəlif sosial şəbəkə platformaları və mesencer proqramları vasitəsilə vətəndaşların şəxsiyyət vəsiqələrini, pasportlarını və bank kartlarını əldə etməklə bir sıra cinayətkar əməllər törədib.
Cinayətkar fəaliyyətləri bununla məhdudlaşmayan şəxslər həmin sənədləri, bank kartlarının surətlərini kiber bunkerlərə transformasiyanı təşkil ediblər.
Əsasən “Facebook”, “Instagram”, “WhatsApp” üzərindən danışıqlar aparan cinayətkar qrup özlərini bank-maliyyə, lombard, humanitar yardım və dövlət təşkilatlarının nümayəndəsi kimi təqdim etməklə fəaliyyət göstəriblər.
O da müəyyən olunub ki, Azərbaycanda fəaliyyət göstərən bankların vəzifəli şəxslərinin fotolarını saxta profillərə yerləşdirməklə özlərini bank əməkdaşı kimi təqdim edib vətəndaşların üz görüntülərinin video qeydiyyatı aparılıb. Bu və digər üsullarla vətəndaşlara vurulan zərər 300 min manatdan artıqdır.
#Daxili İşlər Nazirliyi teqi istifadə olunub
- Tələbələri görüntüləri ilə şantaj edən gənc əməllərini etiraf etdi - Baku TV
- DİN yol hərəkətinin təşkilində nələr edir? - Ağıllı işıqforlar effektivdir? | NECƏ OLMALIDIR?
- İnsan alverində şübhəli bilinən şəxslər saxlanıldı - Baku TV
- İnsan alverində şübhəli bilinən şəxslər saxlanıldı - ANA XƏBƏR
- DİN-dən Qaradağ rayonunda əməliyyat | Tarixi abidələri talayanlar saxlanıldı - Baku TV
