ABŞ-də partlayış səsləri: bina çökdü

Nyu-Yorkun Manhetten məhəlləsində parkinq binası çöküb. Şəhərin yanğından mühafizə xidmətinin məlumatına görə, 1 nəfər ölüb, 5 nəfər xəsarət alıb.

Hadisə yerinə təhlükəsizlik qüvvələri və xilasedicilər cəlb olunub. Ərazidə olan avtomobillərin bir çoxu yararsız hala düşüb.

Yerli sakinlərin sosial şəbəkələrdə yerləşdirdiyi kadrlarda onlarla avtomobilin olduğu tikilinin necə çökdüyünü aydın şəkildə görmək olur.

Bəzi şahidlərin sözlərinə görə, bundan əvvəl onlar partlayışa bənzər səs eşidiblər. Lakin hadisənin hansı səbəbdən baş verdiyi rəsmi qurumlar tərəfindən hələ ki açıqlanmayıb. Məsələ ilə bağlı araşdırmalar aparılır.