Ağdamda mina partlayışı | Xəsarət alan var

Ağdam rayonu ərazisində mina partlayışı baş verib.Bu barədə Daxili İşlər Nazirliyi, Baş Prokurorluq və Minatəmizləmə Agentliyinin (ANAMA) birgə məlumatında bildirilib.

Qeyd olunub ki, aprelin 27-də işğaldan azad edilmiş Ağdam rayonunun Mərzili kəndində mina partlayışı baş verib.

Xəsarət alan şəxs – 30 yaşlı Vidadi Hüseynov idarə etdiyi qreyderlə yolu azaraq minalardan təmizlənməyən ərazidə tank əleyhinə minaya düşüb. Hadisə nəticəsində Vidadi Hüseynov sağ əlindən xəsarətlər alıb. O, xəstəxanaya təxliyə edilib.

Mina partlayışı nəticəsində texnikaya zərər dəyib. Faktla bağlı Ağdam rayon prokurorluğunda araşdırma aparılır.