Ağdamda mina partlayışı | Yaralı təcili xəstəxanaya çatdırıldı

Minatəmizləmə Agentliyinin əməkdaşı 41 yaşlı Zaur Mahmudov xidməti vəzifəsini yerinə yetirərkən piyada əleyhinə minaya düşüb.

Bu barədə ANAMA-nın Mətbuat Xidmətindən məlumat verilib.

Bildirilib ki, hadisə dekabrın 26-da işğaldan azad edilən Ağdamın Sarıcalı kəndi ərazisində baş verib.

Xəbərə görə, xəsarət alan şəxs hadisə yerindən təxliyə edilərək rayon xəstəxanasına çatdırılıb. Vəziyyəti qənaətbəxşdir.