Ağstafa - Bakı qatarı iki sərnişinin halı pisləşdiyinə görə dayandı

“Bu gün Ağstafadan Bakıya hərəkət edən 705 saylı qatar Baş Ələt stansiyasında olarkən maşinistə halı pisləşən iki sərnişin haqqında məlumat verilib”.

Bu barədə “Azərbaycan Dəmir Yolları” QSC-dən bildirilib.

“Qatar heyəti tərəfindən təcili tibbi yardım komandası Səngəçal stansiyasına dəvət edilib. Təcili tibbi yardım gəldikdən sonra halı pisləşən sərnişinlər müayinə edilmiş, sərnişinlərdən biri astma xəstəsi olduğundan təcili tibbi yardım komandasının dəstəyi ilə xəstəxanaya çatdırılıb. Bu səbəbdən qatar hərəkət qrafikindən qismən kənara çıxmaqla hərəkətini bərpa etmiş və Bakı Dəmir Yolu Vağzalına çatmışdır”, – qeyd edilib.