Ailə münaqişəsi qanla bitdi | Baku TV hadisə yaşanan binada

Sabunçu rayonunda ailə münaqişəsi zəminində qanlı hadisə baş verib. "Baku TV"-nin hadisə yerindən verdiyi məlumata görə, Əhmədbəy Ağayev küçəsi, ev 131 ünvanında 31 yaşlı Aysel İsmayılova qardaşı tərəfindən çoxsaylı bıçaq xəsarətlərinə məruz qalıb. Münaqişənin hansı səbəbdən başladığı hələlik tam bəlli olmasa da, yaralı ağır vəziyyətdə xəstəxanaya çatdırılıb və həkimlər onun həyatı üçün mübarizə aparır.

Cinayəti törətməkdə şübhəli bilinən şəxs dərhal polis əməkdaşları tərəfindən saxlanılaraq istintaqa cəlb olunub. "Baku TV"-nin çəkiliş qrupu hadisənin baş verdiyi binada olub, qonşuların ifadələrini və ilkin təfərrüatları öyrənib. Faktla bağlı Sabunçu Rayon Polis İdarəsində araşdırmalar davam etdirilir. Ailə daxili zorakılığın bu dəhşətli nəticəsi və hadisə yerindən ən son görüntülər bizim eksklüziv reportajda.