Astarada qandonduran hadisə | 21 yaşlı gəlin qayınanasını necə qətlə yetirdi?

Astaranın Kakalos kəndində qətl hadisəsi baş verib.

İlkin məlumatda 55 yaşlı Xalidə Manafovanın özünə kəsici alətlə xəsarət yetirdiyi bildirilirdi.

Meyit daxili və xarici müayinə olunması üçün Məhkəmə-Tibbi Ekspertiza və Patoloji Anatomiya Birliyinin Lənkəran rayon şöbəsinə təhvil verilib. Məlum olub ki, Xalidə Manafova kəsici alətlə çoxsaylı zərbələr nəticəsində qətlə yetirilib.

Hadisəni törətməkdə şübhəli bilinən mərhumun gəlini 21 yaşlı Rufanə İmanova rayon hüquq-mühafizə orqanları əməkdaşları tərəfindən saxlanılıb.

Faktla bağlı Astara Rayon Prokurorluğunda araşdırma aparılır.

Qeyd edək ki, iyulun 29-u 55 yaşlı Xalidə Manafova kəsilmiş xəsarətlə Astara Rayon Mərkəzi Xəstəxanasına gətirilib. Həkimlərin səylərinə baxmayaraq, onun həyatını xilas etmək mümkün olmayıb.