Avtoxuliqanlıq görüntüləri gündəm oldu | Saxlanılanlar var

11 iyul 2024 211 baxış

Paytaxtda narkotik vasitənin təsiri altında sürət yarışı keçirən sürücülər saxlanılıb.

Bu barədə Bakı Şəhər Dövlət Yol Polisi İdarəsindən məlumat verilib.

Nərimanov rayonu Heydər Əliyev prospektində “Hyundai” markalı avtomobilin sürücüsü Abdullazadə Orxan Qabil oğlu ilə “VAZ-21705” markalı nəqliyyat vasitəsinin sürücüsü Quluzadə Erol Azər oğlu avtoxuliqanlıq hərəkətləri ediblər.

Yol polisi tərəfindən həmin nəqliyyat vasitələri saxlanılaraq sənədlərinə baxış keçirilib. Bu zaman sürücülərin hərəkətləri şübhə doğurduğundan hər iki şəxs tibbi müayinəyə cəlb olunub. Onların narkotik vasitə qəbul etdikləri məlum olub.

Sürücülər barəsində İnzibati Xətalar Məcəlləsinin müvafiq maddələrinə əsasən, inzibati protokol tərtib edilərək baxılması üçün aidiyyəti məhkəməyə göndərilib. Məhkəmənin qərarı ilə Orxan Abdullazadə və Erol Quluzadə sürücülük hüququ 1 il müddətinə məhdudlaşdırılaraq 15 sutka inzibati qaydada həbs ediliblər.

#Dövlət Yol Polisi