Pleyeri seçin:
Azərbaycanlı gənclər Gürcüstanda dəhşətli hadisənin qurbanı oldu
Dekabrın 30-u axşam saatlarında Gürcüstanda soydaşlarımızın sıx yaşadıqları Bolnisi rayonunun Naxiduri kəndində iki soydaşımızın ölümü ilə nəticələnən yol-nəqliyyat hadisəsi baş verib.
Məlumata görə, onlardan biri yerindəcə, digəri isə xəstəxanada dünyasını dəyişib.
Sözügedən qəzadan sonra kənddə vəziyyət gərginləşib. Piyadaların ölümünə səbəb olan sürücü və həmin avtomobildə olan sərnişinlər arasında qarşıdurma yaşanıb.
Sakinlərin sözlərinə görə, avtomobilin sürücüsü və sərnişinləri sərxoş olub.
Yerli sakinlər hadisə yerinə gələn təcili yardım maşınını da aşırıb. Bundan sonra əraziyə çox sayda polis və xüsusi təyinatlılar cəlb edilib. Məlumata görə, qarşıdurma nəticəsində bir neçə nəfər xəsarət alıb.
Ölkənin Daxili İşlər Nazirliyindən verilən məlumata görə, yol-nəqliyyat hadisəsi ilə əlaqədar 21 yaşlı sürücü artıq saxlanılıb.
Faktla bağlı araşdırma aparılır.
Kopyalandı
#Gürcüstan teqi istifadə olunub
- Bakı-Moskva münasibətlərinin gedişatı | Saakaşvilidən qalmaqallı açıqlama | BİZDƏN NƏ DANIŞIRLAR?
- “Uzunmüddətli sülh bizim üçün daha vacibdir” | Tata Xvedeliani
- İrəvan-Bakı münasibətlərindəki nisbi yumşalma Tiflis-Moskva xəttində nə vəd edir? - ANALİTİK BAXIŞ
- Kobaxidzedən Abxaziya və Cənubi Osetiya barədə açıqlama
- Mixeil Kavelaşvili: "Bu, terror aktıdır"
Seçilmişlər
