Bakı-Qazax yolunda ağır qəza: İki nəfər həyatını itirdi

Kürdəmirdə dəhşətli ağır yol qəzası baş verib. Nəticədə iki nəfər dünyasını dəyişib.

Hadisə Bakı-Qazax əsas magistral yolunun rayonun Muğanlı kəndindən keçən hissəsində qeydə alınıb.

Belə ki, içərisi meyvə ilə dolu olan “Ford Tranzit” markalı yük maşınının sürücüsü 21 yaşlı Anar Qarayev Bakı istiqamətində hərəkətdə olarkən qarşısında hərəkət edən sürücü Ağdam sakini Sadiq Əmirov idarə etdiyi və mişar daşı ilə dolu olan “KAMAZ” markalı yük maşınına çırpılıb.

Nəticədə “Ford” markalı yük maşınının sürücüsü Anar Qarayev və onun sərnişini Eldar Hacıyev hadisə yerində dünyasını dəyişib.

Yük maşınında sıxılmış vəziyyətdə qalan sürücü və sərnişinin meyitləri Fövqəladə Hallar Nazirliyinin Xüsusi Riskli Qəza-Xilasetmə dəstəsinin əməkdaşları tərəfindən çıxarılaraq aidiyyatı üzrə təhvil verilib.

Hadisə zamanı yola dağılan meyvələr səbəbindən Bakı-Qazax yolunda avtomobillərin gediş-gəlişində çətinlik yaranıb. Faktla bağlı araşdırma aparılır.