Bakıda film kimi hadisə | Satıcıya edilən dəhşətli hücumun detalları

Bakının Sabunçu rayonunda bıçaqlanma hadisəsi baş verib. Hadisə Bakıxanov qəsəbəsində qeydə alınıb.

Belə ki, iki nəfər meyvə satışı ilə məşğul olan, 1972-ci il təvəllüdlü Elçin Namazəliyəvə aldıqları məhsul qarşılığında 20 manat pul veriblər. Satıcı pulun saxta olduğunu öyrənib etirazını bildirəndə aralarında mübahisə yaranıb. Nəticədə E.Namazəliyev qarnından xəsarət alaraq xəstəxanaya yerləşdirilib.

Sabunçu Tibb Mərkəzindən verilən məlumata görə, yaralı əməliyyat olunub, vəziyyəti stabil olaraq qiymətləndirilir.

Hadisənin təfərrüatı araşdırılır.